انتهى العد التنازلي وانتهت معه أشياء أخرى
جلست أودع بقايا ذكرياتي الصيفية ،أترك الثقيل منها وآخذ الخفيف إن استطعت، منها ما تحمله حقيبتي والآخر تحمل بقاياه زوايا قلبي وكياني
جد الغربة عذاب حق الناس الحساسين، وآنا كلش مو حساسة كلش .. بس ايسموني ام ادميعة لووول
طبعا فراشة لازم شغل آخر دقيقة أموووت على التأجيل، وامي كالعادة تحن علي.. "وانتي مستحيييل تصكيين الجنطة على وقت؟؟ كله اب آآآآخر الأيام، يا حبج حق الدبجة (فرووووش) و يا شين هالطبع فيييج" ـ "وه يمه حلات الشغل آخر شي حلاته جذي اهوو"ـ
لووول بس أبي أرقع .. المهم وآنا أطلع هدوم السفرة اشتقيت، مالي خلق جييينز ضاك و تعالي صكي السحاب والزرار وعبالة.. وييييين الترايننغ ويييييييي تذكرت اني خليتهم كلهم اهناك لووووول يعني ماراح احتاجهم اهني لا النادي امقطع عمره ولا اطلع طلعات سبورت
كل يوم والثاني يا معزومة يا استقبال يا مادري شنو .. فقلت ليش اثقل .. بلاهم
قلت مستحييييييييييل ألبس جينز انزين شسووييي ، طقيت عمري ورحت اشتريلي واحد (تريننغ).. جان اتذكر وييييي عدساتي الطبية امخلصين واهناك لازم وصفة وعبالة ويييييه مغير افتر افتر افتر والأماكن صككت الساعة تسع ونص ضاق خلقي عاد
المهم آنا يعني قلت ماراح اكتب شي و اترككم مع قصيدة حبيت اشارككم اياه بس ما ايووووز
خلاص بس راح اوقف هني .. راح اوله على السهر على البطالة على اليهال وحوستهم على الأكل السنع على اليمعات على الجو التبن على المجابيس والعيوش والتشريب (اعرف اطبخ بس مايمدييييني مولية) واي بس بدت تخنقني العبرة ادري بسويلهم فلم بالمطار مع ادموعي الصامتة
جد اكره لحظات الوداع اقول ماراح ابجي بس غصبن علي .. تتساقط دموعي رغما عني .. الوداع يقتلني .. يرد يذكرني بالوحدة والغربة واللوعة وكل شي
راح اوله عليكم واااااااايد بس ماراح يمديني اتسكع بعالم البلوقات وايد مثل الصيف .
:*
هاذي بوسة حق كل شخص قرا البوست ..
وأعتذر إن أطلت عليكم ..
Kuwait
September 2.2006
September 2.2006
--------------------------------------------------------------------------
أغنية الليلة
اخييييييييه يا كثر مايعور قلبي من يقول "حان الوداع و خاطري منك ما طاب .. يا شين لحظات البكا والوداع"ـ
يومك بكيت.. وحدر الدمع سكاب .. دمعك على الوجنات.. سبب ضياعي
---------------------------------------------------
أودعكم.. ودموع وداعي بدأت تسبقني
الله يعينج يمه على هاللحظة
دمتم بخير
13 comments:
حبيبتي بعد عمري والله عمر هالدميعات إللي إتبطبط
رحله سعيدة إنشاء الله و الله يوصلج بالسلامة و قلبنا وياج
دوام الحال من المحال
أنا بعد راح أوله علي الحياة الليلية
و بصير أم مرة ثانيه و بقوم إمبجر و بنام إمبجر
keep in tuch in your blog
we will visit you , and you just take care of your self and your classes
الله يوفقج و يحميج من كل شر
daaaaaaaaam damma3at e3yoony!
leeeeeeeeeeeeesh !
:(
الغربه و الوحدة صعبه
إللي يهون عليج النتيجة النهائيه
تراها تسوى
بالسلامه والله يطوي عليج الدرب
ويهون عليج الغربه...ديري بالج على نفسج ..احفظ الله يحفظك
الله وياج حبيبتي وانشالله اتردين لديرتج واهلج ولنا بالفرحه الكبيرة قولي آمين
استودعتج الله
الله يسمح درربج ويسهل لج امرج
وادري والله الغربة مو شي سهل
بس مشكلتج انج..
قـدها وقدوود
ما اقول الا.. بنفقد حضوورج الجميل لكن الله يعدي هالفترة بأسرع وقت
ويردج لنا سالمة غانمة
قولي آمين بسسس
We'll miss u 4 sure and allah e3enech 3al ghorba o enshalah ra7 te3tadain 3alaiha ma3a el wagt
Keep in touch and have a safe trip :)
وى ويل مس يوو
بجيتيني صج ;~(
i really will miss u dear
اي بوست راح اكتبه بحسه ناقص بدون لا ألقى تعليق منج
كل مرة بطل على البلوقات بانقمت ان ماشفت شي يديد كاتبته
كل مرة باحط اغنية في بوستي باتذكر انج اللي علمتيني
كل مرة بشوف شارخان باتذكرج
كل ما أقرا شي حق طالب الرفاعي باتذكرج
كل ما أسمع مروان خوري باذكرج وأتذكر إهدائج
الله يحفظج من كل شر
وتشوفين بهالسفرة كل خير
لا تغيبين عنا وايد
ترى مكانج بيننا كبير
وبس لا أقلبها مناحة
ناطرين منج سوالف يديدة تفرح
WE WILL MISS U!!!!
bas dont stop blogging!
Take care of urself & enjoy ur time while u r there. :)
سوف انفقتقد لرحيقك ولكنك اغمرتينا بتلك الخواطر لكي نتذكر رحيقك العبق
ربي ييسر امورك ويبلغك مايصبو قلبك اليه
يابعد قلبي والله يافرووووشه بجيتينا وياج :((((
آنه من غير شي كل ماتذكرت اللي مغتربين ابجي .. هالنوبة وحده درعمت على قلبي وحبيتها ---> اسلوب بليغ بالتعبير شسوي ياربي :p
لا جد والله عسى ربي يوفقج ويردج سالمة يالله هااااااااااانت مابقى شي وتفتكين :)
EE walla 7an ilwada3! a7ib hal song!
*SIGHS* EEEh allah kareem yalla ma 3alaih El ayam tamshee ibser3a o itredeen belsalama inshallah allah iwafgech o take care =)
كلها جم سنه وتطوف وترجعين حق اهلج بس بذمتج الغربه ما تعلم شغلات ما كنتي راح تتعلمينها لو ما تغربتي ! ؟
الله يردج سالمه حق اهلج وبالشهاده وبالتوفيج
Reema, سالفة قلب ,Sarah, Londony,Zizotime, chai-7aleeb, tweety, kitty, bella color, princess, Barrak, RelaaX, Bedoiun, hoson.
Thanks alot everyone :)
شكرا
I can't lie and say I miss Kuwait already :P, but I think I miss the food and the free time, and the gathering.
نوافيكم بالأخبار الموجزة لاحقا
دمتم بخير
Post a Comment