![](http://www.designladen.com/musikinstrumente/source/image/cello-dsc02101.jpg)
لاحظت اني اسمع موسيقى تقريبا أغلب الوقت، لما أنظف الشقة، لما آخذ شاور، لما ينزل علي الوحي وأسشور شعري، لما أقرر إني أطبخ.. وكل مكان له مزاجه وأغانيه الخاصة..
Shower play list, cooking play list, reading play list, cleaning play list.. etc :p
اليوم قعدت أفكر .. طرت على بالي مسألة " النضج الموسيقي" والتأثير اللي حصل لي على مدى السنوات الأخيرة لما بديت أهتم بشنو أسمع.
رجعت بذاكرتي إلى الوراء شوية ..
قبل ما أروح أمريكا..
أبوي.. معاه تذوقت الطرب الأصيل. كنا نقعد ساعات آنا واهوا بالسرداب يسمعني أم كلثوم ـ عقب ما يضبّط قهوته التركية (وسط،مع وش) وينزّل معاه كاكاو سنع شغل مزاج. آنا أمزّج عالكاكاو واهو يمزج عالقهوة. قبل لا نشغلها يقوللي مقاطعه المفضلة والكلمات.لما يشغل الموسيقى نقعد ساعات نسمع.. يخليني أحس بكل كوبليه بروح، بكل تحويلة بكل شي.
كنت أطفر و بسرعة أملّ.. ما كنت أحب أسمعها، صوتها كان ينرفزني و الأغاني كنت أحسها طويلة. لما شوي شوي
بديت بروحي أحس .. أتذوق .. أسمع .. نتيجة هالقعدات خلتني أطلع باغنيتين حبيتهم منّه : "بعيد عنك" ـ "أنت عمري-كانت هذي بدايتي" ـ و "عودت عيني" ـ و أغنية نسيت أسمها بس فيها مقطع يتلخص معناه بأن لو رجعت بالوقت تاني ماحب غيرك أحبك انتا.. يا سلااام
علمني معنى الطرب الأصيل.. منو أم كلثوم و منو عبدالوهاب.. يحب يسمع العود والقانون أكثر شي..
هذا مزاج السرداب بالمساء.. بالأوقات العادية كنت أسمع وياه أبوبكر سالم، محمد المسباح، ارويشد، اغنية وحدة من أغاني شيرين (هذي اشلون مادري لا تسألوني) بس كانت حلوة. و أغنية"الأماكن" مالت محمد عبده بس ما يحبه ولا يحب أغانيه، شلون حب هاذي بالذات و بس مادري.
انيي حق الماما، اللي كلها رومانسية واحساس مرهف.. نقعد بالصالة آنا وياها حزة العصاري مع الشاي والكيك ـ العادة التلفزيون كله عالأخبار، بس تدش مزاج تقول جملتها المشهورة "حطيلنا شي يغني" .. هاهاها مرات أضحك على هالجملة بيني و بينها و أطفرها فيها ساعات .. لأن اذا حطينا شي يغني مايعجبها اغاني هالأيام.
مع أمي حبيت أغاني وردة الجزائرية القديمة، ماجدة الرومي، "محمد عبده" وااااااااااايد تحب أغانيه القديمة (آنا ما أدانيه) ، أغاني عبدالكريم المغبرة، فيروز (عندها كرتون أشرطة أيام الجامعة)
Lionel Richie, 80s Classics
وكل ما أرجع الكويت اجازة تعلق اغنية معانا نعلق عليها كل ما رحنا مشاويرنا ويا بعض، كل ما قعدنا نسولف بغرفتي بالليل اشغلها بالباكراوند كل ما تحرشت فيها دندنت هالأغنية.. و يصير كل ما وحدة منا تسمع الأغنية نتذكر بعض و نطيحله دموع عبر الأثير.
التناتيف الباجية، بنت خالتي حببتني اب "ذ جيبيسز" ، جلوريا ستيفان. أخوي ماكو ذوق بالأغاني صفر، عار على العايلة، يسمع روك و ميتال و هالخرابيط.
حب حياتي "أندريا بوتشيللي" عرفته بالصدفة من التلفزيون. من أسمعه انسى كل شي. ولما أسوي باستا لاااازم أشغله.
باختصار هذا تاريخي الموسيقي والترانزشن اللي صار على مر السنين
والحلو بالأغاني انها دايما تحمل ذكرى معينة .. ذكرى شخص معين.. احساس معين.. حادثة
او حتى phase
and personally, I think that taste in music can tell a lot about a person.
21 comments:
my daddy n i used to sit for hours listening to 3abdel7aleem
lasta qalbe over n over again
then he'de switch to lean on me!
lol
personally i dont like om kalthoom.
and ofcourse fayrooz tops the list, bs i like listening to her in winter madre laish, oo very early in the morning
im very flexible when it comes to music and USUALLY not always will tolerate whatever anyone is playing
bs amel ebser3a and like a fast change
My friend usually makes fun of my taste hes like how can some1 listen to iron maiden or franz ferdinand and 3abdl7aleem hes like mayirkab :P
ناايس
صح الواحد مع الوقت يتطور احساسه بالموسيقى
لكن المشكلة لما يتدهور :)
غرامي الموسيقى
فيروز
josh groban
صوته يوديني بعالم ثاني
كل مزاج وكل وقت له نوع موسيقى
واموت بشي اسمه
70's classics
تعلمت هالشي من ابوي :)
eshda3wa
Ahlan wasahlan ;*
la2 aana oboi mo takhassusa 3bdl7aleem hehe
I love how international is his taste ;p cool father you've got heheh
oo fayrooz etyannin akeed. O since where I'm at it's winter most of the year, fa layga.
do0da
shaklik ta6beg with my brother ;P he listen's to iron maiden, oo my chemical romance, oo sheno ba3ad? madri. He gives me the weirdest lists to get him lamma arja3 lkwait.
pearl
لما الحين ما عرفت أحد تدهور احساسه الموسيقي
يا أن يبقى على نفس الستايل يا إن يتطور
جوش غاربون ما قط سمعتله بس بدورله جم أغنية اسمعها
Any recommendations?
منو تسمعين من السبعينات؟
nice to see you around The Roof again :*
اوووووه لازم في شي شغال اثناء الطباخ
الاغاني شي مادري شنو
ساعات اللحن يطغي على الكلمة
لحن تحسين انه يلمس الروح قبل لا تسمعه الاذن
وانا أأيدج ان حتى بالاغاني في نضج وتطور
ام كلثوم..فكروني
عبدالوهاب..من غير ليه
حليم..سواح
.
.
اللي يضحك ان في وحده هندية معاي بالكلاس عمرها ما زارت الخليج او اي دوله عربية..بالصدفة طحت عليها تسمع طلال مداح..زمان الصمت
.
.
(:
bo9ali7
هلا بالطش والرش
;) heheh
اييييي ضروري أثناء الطباخ ولا الأكلة تطلع مو شي اذا بدون اغنية ها؟ لوول
ساعات لما امل احب اسمع لحن بدون كلام بدون أغنية
I totally agree that sometimes a piece can touch your soul somehow. Some parts (sad parts) of a fine musical piece can bring tears to my eyes.
بس الصراحة صدمتني مع الهندية ! هاهاها صاحبة مزاج
Nice to see you around :)
الموسيقى شى حلو ويونس ويدششنى مزاج لكن قلت وقت موسيقى ترى القلب يتعب
طبعا اشترك اشتراك كلى مع ابوج بالقهوة والكاكاو ولكن انا قهوتى من غير سكر
الحلو ان صج الواحد يعيش بجذى جو
الله يتمم عليكم الحب ومن غير موسيقى زايدة لانها تموت القلب
sure
aked yebeyen style o taste alperson
شوفي خليني اقولج شغله من فتره بسيطه حطيت بوست عن حياتي باختصار مع ام كلثوم
و في بوست عيدي ميلادي تكلمت عن النضج الموسيقي
فعلاااااااااااا
والله كلامج صح
صرنا نسمعها باذن ناضجه و رووح مجربه
و قلب تعبان
او ولهان
اما عن الطباخ
فشيي عجيب
انا سر نجاح طباحي مع اغاني عبدالحليم
الخلطه في الاغنيه مو فيني
كثيررررررررررر من المزاج
يعطي ابداع
mishari
همممم آنا غير القهوة العربية ماشرب قهوة مرة
ومزاج الموسيقى و القهوة و الكاكاو وايد حلو
أتفق معاك ، بس مو ويا قهوة مرّة
:P
lawyer
أحس ذوق الموسيقى له علاقة برقي حاسة السمع عند الشخص
مو شرط تعطينا فكرة عن ستايل الشخص
افا عليج ;) heheh
اي الأغنية تحسين فيها غير مرة عن مرة
و اذا قدرتي اتعيشينها يا تمزجين توصلين سما سابعة يا يضيق خلقج و المود ينزل تحت الصفر
هاهاهاهااا أهم شي ان سر نجاح طباخج مع عبدالحليم
;)
walla tara il mazaj wil 6ubakh bainhum 3elaqa 6ardeya
:*
عجبتني قصتك مع الموسيقى
قصتي معاها تختلف تماماً
انا بدايتي كانت مع عبدالكريم عبدالقادر .. نوال .. الرويشد .. عبادي الجوهر ..خالد عبدالرحمن و خالد الشيخ و محمد عبده ... بعدها .. طلعت نجوى كرم و أحلام و عادل الماس و ميامي
;P
و خاصة غرامك شي عجيب
بعدين هبينها بالأجنبي .. سوالف ماريا كايري و سيلين ديون و ربعهم
:: :: ::
لو تسأليني اشمعنى و ليش هالأسامي .. راح أرجع 15 سنة ورا و اتذكر علاقتي القريبة من بنت عمتي و أخوها و تأثيرهم الكبير على اختياراتي الموسيقية
و طبعاً ..طربان و مقاطعه التحفة
كان شي شي أيامها .. خاصة السمرات
النقلة الكبيرة بحياتي كانت مع التدوين ... بديت أسمع كل شي .. ببساطة كل شي يطري على بالج مو مهم من وين وشنو المهم انها تهز أوتار قلبي ... حتى اللطميات قمت أسمعهم و استمتع فيهم
أما أم كلثوم ... فكانت تنرفزني و انا صغيرة ... بس من شفت مسلسها ... تغيرت نظرتي لها و بديت أسمع سيرة الحب و حفظت كلماتها ... بعدها بدأت قصة حبي الحقيقية مع أم كلثوم
و نسيت شي ... كنت أتابع القناة المصرية كل يوم الساعة 3 ... لأنهم كانوا يحطون أفلام قديمة .. ابيض و اسود ..أثرت فيني وايد وايد .. بما اني كنت مدمنة عليهم .. و أعتقد انها سبب الرومانسية اللامتناهية اللي آنا فيها
:: :: ::
الشي الوحيد المشترك هني ... هو اني أحب اسمع أغاني لما اسشور شعري و أنظف داري ... و أحس بمتعة كبيرة في هاللحظات
أدري تعليقي وايد قصير .. بس أكيد راح تحبينه
;D
كلام صحيح جدا
ناس وايد ممكن نتفق معاهم ونتقاسم معاهم أروع الاوقات ووايد أمور اذا اتفقنا معاهم بذوقنا الموسيقي
أنا صاحبت الموسيقى في كل مراحل حياتي وطبعا بداياتنا تكون تأثرا بالمقربين منا وصولا لاتباع الهبه ثم ارتكازانا على ما تميل له أهواءنا
أنا بالموسيقى مثل أي شي ثاني ما يهمني إتباع السائد وساعات الناس يقولون ذوقي غريب بس أنا أهتم باللحن والموسيقى أكثر من الكلمات
يعني أقدر أقولج أن فضل شاكر من أجمل الاصوات ومروان من أروع الموسيقيين وسلمان زيمان مدرسة موسيقية وفلة ذات صوت جبار لا أمل سماعه وأرى بالشحرورة صباح موهبة لم ولن تتكرر بجميع الاصوات النسائية العربية
بس ما أحب أم كلثوم وقمت أمل من عبدالحليم من كثر الاصوات المشابهه له
بس تويتي هذا تعليقي مو قصة حياتج
ولهت عليييييييييييييييييج
:*******
broke
ذاك اليوم على اطريف كنت باضرب كل شي بعرض الحائط و احط اغنية غرامك شي عجيب بالبلوق
بس مادري اشصار يومها لول
:: :: ::
ولا مرة جربت اسمع لطمية بس سمعت ان شي عجيب !
:: :: ::
و أفلام الأبيض والأسود كنت ما اتغدى الا لما اشغل الفضائية المصرية الساعة 3 على قولتج
بس ماتوقع هذا سبب الرومانسية اللي فيني
:P
heheh oo agoolech, kathri mn ta3leeqatech legseera, ;)
you know i like them :*
----------------------------------
tweety
انتي وينج؟؟
بالضبط
لما اكون بحالة مزاج ابي بس موسيقى مابي شي ثاني
وبعدين الشحرورة مو مزاجي
لول مادري ليش
فضل شاكر احبه
اندريا بوتشيللي أعشقه
و انتي احبج اكثر
;*
ولهاااااااااااااانة عليج اكثر
لازم تسويلي اب ديت ترا !!! ضروري
الله البوست اينن
اعجبتنى شى يغنى ههههههههههه
اتينن امج
:))
انا اكثر شى احب اسمع بالسياره
ما احب الصخه استاحش اصدقين
يا اهذر بالتلفون وكلالالالالالا ضايعه
يا مندمجه باغنيه
والسى ديات على حسب طول المسافه
اغانى قصيره واغانى طويله
بالبيت لويه نادر جدا ما اسمع
im a 3abdo freak;p
w asma3 kil ghniya hailigya w malha ma3na bil radio (refer to 7atgawez for sa3d el soghayar)
wa7eb om K w 3abdil7aleem w warda:P
welmijdeez welshibeeeba
w maimi;p
7alilay shakhseety wely yer7am waldaich ;p
w tawne shaghalt ba3eed 3anak shawagteeny;p
سمعي اغنية
you raise e up
وعطيني رايج :)
==
السبعينات اسمع اغاني ما اسمع لاحد معين
باري وايت
ديميس روسيس
من الاغاني احب الكلاسيك
hello
sacrifies
wild world
suspicious mind
واموت بعبدالحليم وفيروووووز
Ipod ha? Y3ny ana el special ely ma asma3 tapes or cds :P
Eee tarekhech el museqy 7afel el 9ara7ah o khal ethabe6na el waled bel Turkish Coffee.. tara yabeela ;)
charisma
انتي اللي اتينيين
:*
هههه ايي عليها جمل و مصطلحات عجيبة امي
وصج اتينن
الأغاني بالسيارة تسوي جو اذا صيف برا والمكيف شغال حده و الدرايش امصككة طبعا
احس جو و عالم ثاني
لووول كلا ضايعة
بالبيت اسمع اذا انا بغرفتي والكل نايم حزة الفير واكون انا الوحيدة اللي امصحصحة
um-mit3ib
يا حيالله ام متعب
مرت دودو أفندي
لوول
اهم شي ان تدلعينه المجديز لووول مايلوق على ويهه
شخصيتج ماقدر احللها وقافي
لازم تنسدحين على كرسي و تجاوبين على
3 more questions
:P
شرايج بالأغنية؟
pearl
Barry White oo Demes Rossis ;) far awayy allaaaah
احس لما اسمعها اتخيل روحي بمكان معين اب ميامي و بالليل و الهوا مو طبيعي
شيشتيني
you really are a lady with class :*
يعجبني ذوقج
zizo
بدينا بالطنازة؟؟
لأ امبلة اسمع سيديات او أشرطة
بس المشكلة ان ماعندي مسجلة اهني
:P
و حياك الله قهوة تركية اي وقت
:P
omich o obooch wayed romanseyen. Om kalthooom o majda Alroumi o 3abdilkareem.. ya salaaaam! a7laa thouq! o mithil ma giltay sa3at shakhsiyat il wa7ed ti6la3 min thouqa lil aghani.. o entay ahalich thouq'hom 3ajeeb o 7adhom romanseyen! o entay enshalla etkonen 6al3a 3alaihom ;)
i *heart* my ipod
if it gets lost...i might...
DIE!
and about andrea bocelli...have you listened to his song "can't help falling in love"??
wallah his version is amaazing :)
and btw nice blog;*
heheh I almost died when I lost it in Kuwait last december, but I found it wedged in a starbucks couch after I returned back to the coffee shop.
Ahhhh.
Can't help falling in love is one of my all time favourites. I was actually listening to it yesterday :>
Welcome to The Roof ;*
Post a Comment