يعجبني غباؤكِ
ما يزيدني حيرة هذه الأيام هو طريقة تفكير كثير من الشابات والنساء
وانا كامرأة و Feminist
اعتبرها مهينة
الحين المبدأ اللي -قبل أن تكملوا القراءة- خاصة للشابات
أن "المرأة تستطيع التفكير واستخدام عقلها بكفاءة لا تقل عن الرجل
قبل لا نكمل احد يعارضني؟
اوكي
الآن ما لا أفهمه هو موضة البنات في "التحدس"
يعني أن أذهب وأختار مجموعة تعتبرني ناقصة عقل ودين؟
جماعة عارضت اعطائي حقوقي السياسية -وعندما استنتجوا ان المعارضة ليست في صالحهم
٠ حللوا التصويت بلا الترشيح
ما اعتبر روحي اداة انتخابية كلش صح؟
اداة يخوفونها باستخدام الدين
بآنها حين تصوت لمن يدافع عن حقها فهي تصوت لجماعة الفسق
وان هم "حملة رسالة محمد" شعب الله المختار
يحمونها من الكفار
مو بس جذي المصيبة اعمق
النساء والشابات المتحدسات عبالهم قاعدين يستخدمن عقولهن
ولكنهن مخطئات
اروح اصوت حق ناس يعتبروني مو مهمة
او مهمة "كأداة للتصوييت" فقط لا غير.. غير قادرة على اتخاذ قراراتي بدون رجل انا قاعدة استخدم مشاعري التي استخدموا الدين لتحريكها
لا أملك إلا أن أقول
"يعجبني غباؤكِِ"
وحين تصرين على موقفك
كآنني اسمعك تقولين
"ثابتة على غبائي"
تم
ما يزيدني حيرة هذه الأيام هو طريقة تفكير كثير من الشابات والنساء
وانا كامرأة و Feminist
اعتبرها مهينة
الحين المبدأ اللي -قبل أن تكملوا القراءة- خاصة للشابات
أن "المرأة تستطيع التفكير واستخدام عقلها بكفاءة لا تقل عن الرجل
قبل لا نكمل احد يعارضني؟
اوكي
الآن ما لا أفهمه هو موضة البنات في "التحدس"
يعني أن أذهب وأختار مجموعة تعتبرني ناقصة عقل ودين؟
جماعة عارضت اعطائي حقوقي السياسية -وعندما استنتجوا ان المعارضة ليست في صالحهم
٠ حللوا التصويت بلا الترشيح
ما اعتبر روحي اداة انتخابية كلش صح؟
اداة يخوفونها باستخدام الدين
بآنها حين تصوت لمن يدافع عن حقها فهي تصوت لجماعة الفسق
وان هم "حملة رسالة محمد" شعب الله المختار
يحمونها من الكفار
مو بس جذي المصيبة اعمق
النساء والشابات المتحدسات عبالهم قاعدين يستخدمن عقولهن
ولكنهن مخطئات
اروح اصوت حق ناس يعتبروني مو مهمة
او مهمة "كأداة للتصوييت" فقط لا غير.. غير قادرة على اتخاذ قراراتي بدون رجل انا قاعدة استخدم مشاعري التي استخدموا الدين لتحريكها
لا أملك إلا أن أقول
"يعجبني غباؤكِِ"
وحين تصرين على موقفك
كآنني اسمعك تقولين
"ثابتة على غبائي"
تم
6 comments:
عاشت
you don't mind me linking this on SS do you?
هذا نتاج قهر صار فيني بعد ماقريت احدى المدونات اللي قعدت على اعصابي
and no I don't mind
مشكلة ويييييييييييين اللي يقتنع
خلج على القاتووه الفرنسي مو احسن وامتع للناظرين والاكلين
برافو ..كلام بالصميم
إلا تعتقدين عزيزتي أن الغباء نعمة
وكما يقول الشاعر أحمد الزين
يا ذكائِي عُد غَباءً أَستَرح
بغَبائِي مِن شَقــاء مُطبــق
إليكِ بوست قديم من انتخابات 2006
http://walladah.blogspot.com/2006/06/blog-post_18.html
انا يبطون جبدي ليما يصورونهم و يحطون صورهم بالجريده! مو حرام تحطون صوركم بالجريده و تنشرونها بدون اي ضروره؟ و فوق هذا سالفة انتخابات الجامعه اللي متهافتين عليها! و فرارتهم من مكان لي مكان حق الانتخابات، و مشاركتهم بالانتخابات في اتحادات امريكا و بريطانيا و فرنسا و اهما مسافرين بروحهم بدون محرم بس سبحان الله يصوتون حق تيار حدس و التيارات الاسلاميه، يناقضون نفسهم اذا اصلا شيخهم بن باز يحرم سفر المرأه بدون محرم و يحرم خروجها بدون حاجه و ما بقى شي ما حرمه، كل هذا يناقضون مذهبهم و دينهم بعدين يستشرفون على روس الاوادم، على الأقل غيركم له مرجعيات دينيه غير متشدده يعني ماشين صح حسب مذاهبهم و شيوخهم بس انتوا يا حدس و يا السلف اللي تتبنون فتاوي غبيه و بعدين تمشون عكسها لأنها غير قابله للتطبيق نفس سالفة تصويت المرأه ليما اكسروا فيكم و قمتوا تحنون على الحريم عطونا اصواتكم
و يا اخي ما تقدرون تفرضون على الناس آرائكم الدينيه! كيفي بآخذ راي شيوخ الأزهر او راي شيخ شيعي، محد له شغل مو غصب يبون يطبقون علينا كلام شيوخ السعوديه!!!! لكم دينكم و لي دين! ايه و على فكره مدام دعيج الشمري ياخذ فتاويه من بن باز عيل لا يخلي اهله يسوقون! كل هالبنات اليهالوه اللي بالجامعه و مستانسين على حدس يسوقون و سيارات كشخه بعد، حراااااااااااااام يسوقون براي بن باز، مو على ناس و ناس تبون تطبقون القوانين، يعني هالبنات كلهم قاعدين يرتكبون معصيه برأي بن باز، خوش والله كفو :)
اهم شي ليما يصورون كلهم يميلون روسهم لي زاويه معينه يعني شكل اسلامي "كول" او دلع اسلامي :)
الله يلعن الديمقراطيه اللي يابتلنا هالاشكال، و راح ينظم لهم محمد هايف المطيري علشان تزيد العقد و التفنن بالتكفير، يعني بيسوون لنا كوكتيل بالمجلس، عدس، تلف، حزب الكمه، الخ
ولادة
اشكر لك مرورك
و ربما كان الغباء نعمة .. لكن ان يكون المرء غبيا ويعتقد انه العكس .. مشكلة
شكرا على الرابط
---
عزيز(ت)ي انونيمس
وايد افرحني تعليقك لأنك تشارك(ي)نني النرفزة الناتجة عن تناقضهم الذي لا أفهمه
لأ خلني اقوللك حقهم السفر بدون محرم عادي .. مو حللو الحين اذا البنت بتدرس برا عادي يوديها محرم ويرجع (لا والله) ؟ عيل مالكم حق تتكلمون لان اغلب اللي تغربوا جاءوا مع والديهم
ولا حلال البنات اللي يسافرون مع طارق السويدان و مرته حق المخيمات اللي بسويسرا و غيرها؟ وين محارمهم؟ ،ولا طارق مرفوع عنه القلم؟
وربع حدس اللي عندنا اهني مع منع الاختلاط، مادري شيبون يدرسون اب بلاد الكفر امريكا .. ماني شايفة انها ضرورة .. السعودية ماشالله وايد فيها جامعات ما قصرت
انا بخاطري اشوف الصور اللي بالجرايد ودي اضحك شوي .. بس اتوقع ان حلال لانها في كامل زيها الاسلامي
ولكن هل يا ترى لما الاخونجي يشوف صورة الاخونجية بالجريدة يعتبر خلوة اذا اهوا بالغرفة لوحده؟
اشكرك على المرور والتعليق
Post a Comment