كان يا مكان..
في يوم من أيام الصيف الحارقة، ومنذ زمن بعيد ، كانت فراشة في نزق الطفولة تتمشى مع أخيها وتلعب عالبحر ..طبعاً لعبتها المفضلة من زمان "بناء البيوت الرملية" ومحاولة الحفاظ عليها أكبر مدة ممكنة. ولكن "يتليعن" الأخ لاعباً دور الأخ الشرّي ويقوم بتهديم بيوت أحلامها..
المهم..
طول عمري وآنا أحب الكتابة، التلوين، التشخبط... باختصار -أي شي له علاقة بورقة وقلم- لي درجة إني لما كبرت تالي ـ البنات امسطرين الحمر والماسكرا بجناطهم وآنا الدفتر والقلم مرتزّين بالجنطة بدال الحمرة. عاد ذاك اليوم واحنا انتمشى عاليال (أيام الطفولة والصبا) قاعدة عالرمل وأطلّع الدفتر والقلم مادري شاشخبط وشاكتب .. لما طرت على بالي فكرة عبيطة أعجبتني ذاك الوقت.. ابسسسسسرعة أطلع القلم وأهم بالكتابة :
(مو بالضبط هذا المكتوب بس قريب من الفكرة)ـ
بسم الله الرحمن الرحيم
كتبت هذه الرسالة يوم .. الموافق .. الساعة ..في المكان الفلاني
(احتوت هذه المساحة على موضوع كان يعبر عن مزاجي في ذلك اليوم، ماذكر شنو اللي انكتب بالضبط عاد)ـ
"والذي يجدها" يرسل رداًّ عليها على العنوان البريدي التالي:
ص.ب 0000
12345 الصفاة
دولة الكويت
أو ينشرها على الجريدة المحلية
وشكراً
الويه الثاني كتبتها بالانجليزي (والله فراغة) بس هم فطينة والله آنذاك الوقت يعني .. المهم سفطتها على شكل اسطواني ،يبت بطل فاضي ثقيل شوي، دعستها داخل وأحكمت إغلاقه .. مشيت ليما المسنة اللي داخل البحر وخلّيت أبوي يساعدني يحذفها ابعييييييييييييييد.. تالي تذكرت جني غلطت بالعنوان
عاد كله أفكر .. ياترى وين اوصلت؟؟ منو لقاها وشنو سووا فيها؟؟ .. عاد تخيلوا مرة تلقون رسالة ببطل مثل مالتي .. شتسوون فيها؟
-------------------------------------------------
كلمة السّر..
لاحظت في كثير من الأحيان أن هناك بعض الكلمات التي تحمل مفعول السحر على الناس ..خصوصاً المقرّبين .. وهذه الكلمات إما أن تكون كلمة دلع ..أو كلمة خاصة بين الشخص واللي جدامه..
عاد آنا عندي كلمة السر حق معظم اللي بالبيت .. ولا أنكر أن هناك كلمة إن نوديت بها .. وفي حالة معينة .. تعمل عمل العجاب .. لها مفعولاً مو بس سحرياً ..
أحد عنده كلمة سر بعد؟؟
------------------------------------------------
عطره الذي اخترق حواسي ..
العطور أو الرائحة كثيراً ما ترتبط لدي بمكان .. وإذا صادف أن تكون أول مرة أشمها على شخص خلاص!! كل ما أشمها ترتبط بهالشخص ..
أتذكر كل ما ييت أحب أمي أو ألمها .. مرات لما أسشور لها شعرها.. اتييني ريحة دهن العود اللي تنسييييني تخلييييني أفقد .. بس أبي أغوص برقبتها .. عاد قبل لا أسافر واحنا انصك الجناط دار بيننا الحوار التالي:
أمي: فرووشة .. في شي تبين اتحطينه قبل لا انصك الجنطة؟
فراشة وقد اكتستها حمرة الفشلة :اممممم اي والله ..حاطة عيني على دهن العود مالج ..
أمي: بسسسس؟؟ ما يغلى عليج .. خلاص من باجر الصبح اييبلج واحد .
فراشة: لا لا مابي ، ابيييييه اهوا اللي اتحطين منه، هذا الحجال اللي باقي فيه ميخالف
يوووووم وصلنا المطار ولا تدعس الغرشة بالهاند باق..
عاد مرة داقة علي ومع السوالف اتقوللي اشطاري عليج هالمرّة دهن عود؟؟ وليش ما خليتيني أعطيج غرشة ثانية هم حلوة!!؟
يوم قلتلها السبب الرئيسي.. آنا ما أحطها إلا لسبب واحد .. أحطها عشان اشمج وين مارحت .. اهني عاد اخنقتها العبرة وحسيت بعيونها اتغورق -عبر الأثيرـ
-----------------------------------------------------
جولاتي الكتبية ..
ثلاث روايات خلصتهم وأعجبوني:
* كل شيء على ما يرام -هديـــــــة حسين
*ســــــمر كلمــــــــــات -طـــالب الرفاعي
*رائـــــــــــحة البحـــــر-طــــالب الرفاعي
وحالياً قاعدة أقرا (فوضى الحــــواس) -أحلام مستغانمي : عليها أسلوب جرفني بفن و نعومة إلى عالم إدمان الجمل والكلمات الراقية .. باختصار .. روعـــــــــــــــــــــــــــــــة ..ـ
-------------------------------------------------
متفرقات .. هذيان آخر الليل .. ومسك الختام
* The paper cut between my first two fingers is killing me .. Damn them paper cuts
* I'm craving fine dark chocolate .. I ran out of them, so I'm eating a "Tola" chocolate instead
* Why is everyone asleep and I'm the only one awake .. This feeling makes me feel sick
* Weddi ashooof filim hindiiii
-------------------------------------------------
17 comments:
ياربي في أشياء وايد مشتركة بيني وبينج !
خلاص بعترف أني حبيتج من أول وآخر نظرة
أولا : حبيت فكرة الرسالة اللي بالبطل شكلي بسويها
ثانيا : قريت روايات طالب الرفاعي اللي ذكرتيهم وسمر كلمات عندي بإهداء منه شخصيا يعني كشخة :p
ثالثا :ودي أشوف فيلم هندي بالسينما بس محد معطيني ويه وشاروخان من زمان ما شفت له فيلم
رابعا : مبروك على الديكور اليديد
خامسا : حتى انا سهرانة لي هالحزة الحمدالله والشكر عاد لو أحب أقول قاعدة أفكر في اللي أحبه
سادسا : أنا أول تعليق وناااااااااسة
سابعا : ماكو بس كنت بكملهم سبعة ماكو شغل :p
لوووووول
نوّر نوّر البلوق اليديد. يعني قصيتي الشريطة الحمرة الحين من قدّج
هههههه :*
فكرة البطل ضروري تسوينها، بس يجب اختيار البطل والمكان الصحيحين
ثانيا: لا تحريني على سالفة الإهداء، كنت بتليقف أروحله شخصي وأسوي وياه مقابلة
مسؤول وحدة أعرفها بالدوام
ثالثا: حدي مشتهية أروح الفلم اليديد ومن شفت البوستر و فيه شاااااروخان قللت واي تويتي بيزووغ قلبها
خامسا: ذبحني هالسهر والله، أمس ما نمت إلا عالست و ربع
:P
ثامنا: مادري ليش ثامنا بس أبي أشقح لي ثامنا وأقوللج مرة ثانية نوّرتي بيتي اليديد المتواضع
و بسج سهر ترا مضر بالصحة
:P
Hehe hal post 7ada 3jeeeb o enty 9ej afkarech mo sahla o mo haina... Bs 9ej fa'6ya!! tkteben bel english o bel arabic!! Laish ma teshtaghlain mo abrak? ;)
Ana yay men film hindy o 7g sharu ba3ad!! Men gdy ya nas :)
hey ur site loook amazing realllly
I hate paper cuts alsooo Ouch!!
ZiZoTime:
---------
Heheh thanks. Glad you liked this post ziz :P
Oo ba3dain laish fa'9ya. I was on a vacation. And I didn't want to do what everyone was doing on the beach. Gelt asawwi shay '3air y3ni lool.
How was the movie?
----------------------------
Wilted Rose:
------------
Welcome to my re-decorated little place :) glad you liked it.
And welcome to my blog as well. Thank God the paper cut is healing ;/
عندي إيميل طالب الرفاعي إذا تبين
zizo
اشدعوه جان مريت علي عشان اروح معاك فيلم شاروخ !!نحيييييييييس
ضروري انشالله بحيل الله باجر أروح
بيسافر هالأسبوع ،الأسبوع اللي وراه بالكثيير
;/
انزين لا تحرييييني نطراي عقب باجر، معزوومة ويا الوالدة بكرة
:p
وحدّي فييييني فلم هندي
:p:p
The first part of your post reminded me of a time when I was 12 or 13 years old. I was with my cousin at the time in a park close to the chalet. Bil park there were trees 6ab3an, fa e7na we "chose" a tree and made it our "headquarters". Ay wa7da itgoom isub7 troo7 il tree hathi oo tan6er il thanya 3ala ma tgoom, and from there we'd go out oo n7oos mnee mnaak. Sij sij we loved that tree so much that we called it "Nooriya" (Hehehehehe).
3ad fee youm min il ayam we did something stupid. :P 6ala3t wriga oo qalam oo ketabt:
"This tree belongs to (my name) and (cousin's name). She is called Nooriya. We would very much appreciate it if you would not bother her or sit under her shade. Thank you."
And I stuck it on the tree.
Then we left. As we were walking outside the park we saw two girls pass us by.... They were walking towards the trees. Ana oo my cousin stopped and waited to see if they were getting closer to our tree.. kho hathi malatna.. ma7ad lazim yjeees'ha!! Hehe.
10 minutes later we went to check up on our tree.... wela.... il note that I wrote was torn into a million pieces!!!!
:O :O :O :O
3asabna 6ab3an. The girls were nowhere in sight. After that incident we learned that we can't claim anything ours minni wi6ireej. :D
Welcome back home Caramella ;) How do you like the new place?
Hehehe, "your" tree. I've never done that. I remember putting a note on something else and saying that it's mine and not allow anyone else to use it, that was when I was younger :P
Wainech '3a66a?
ممتع..ممتع
سالفة البطل شكلج انتي بتلقينها مرة ثانية
:P
----
هذي مشكله كلمة السر..الواحد ما يققول بعدا لأ
----
اي والله..العطور صج صج تثبت بالمخ واتذكرني بشغلات غالبا تكون حلوة
---
ماقريت ولا كتاب من هذيلة..بس حطيتهم باللست
---
طفارتي بالدنيا فلم هندي
---
بصراحة مزاجج خطيييييييييير..صدقيني
Bo9ali7
ههههه خوفك لقاها واحد اهوازي ولا مهري لا يقرا ولا يكتب و قطها بالبحر مرة ثانية
:P
-------------
هههههه انا اتفق وياك بالنسبة لكلمة السر .. خاصة اذا اهيا خطيرة. مشكلة
:P
-------------
مسكين هالمزاج ،صار فيه انفصام شخصية
يوم يسمع ارويشد يوم يسمع اوبرا ايطاليّة ،يوم أم كلثوم يوم يسمع المليق مادري شسمه بس اغنيته اليديدة المليقة اذبحتني مو راضية تروح
اللي يقول ما غيرتنا السنين و ما تغيرت انا.. راحت عني وأنا ما خليتها
ملييييق و لزززززقة
:P
-------------
كلمتج تعووّور القلب
احطها عشان أشمج وين ما رحت
الله يخلي لج امميييمتج وبيـّج بصحة وعافيـه
Ana tara mawjooda! Bas ithahir you're emails mo ga3d yosloonli cause mako shay ib my inbox kilish :S
Aham shay emaili lazim achayka kil youm. :D
يا حيّالللللله
Londony
الله يسلمك
و بعدين ترا مليت وآنا بخّرته ما تغيّر عليك؟؟
;P
Caramella
Aana sarla mudda computeri eykharref, fa atwaqqa3 menni..
Inshalla I see what's wrong with it. And send you back :)
الله يحييج
لا والله :/ لي الحين
امعيييّ
فكرت بالسبب بس المشكلة ماني لاقي شي يستدعي هالبهدلة اللي يسويها فيني
وايد قاعد يتأخر باللووود
حسافة كل شي فيه روعة الا الكونكشن معاه
Dear LoNdoNy
الظاهر اللي يستخدمون الانترنت اكسبلورر اتعلق عندهم صفحتي
جرب اتدش عليه من الموزيلا فاير فوكس اذا عندك اياه
Post a Comment